رجال من البورصة
طبعاً اللي يقرا العنوان عباله بتكلم عن المليونيرية والهوامير بالبورصة .. بس أنا بتكلم عن الناس " الهيلق " اللي هناك
طبعاً أنا أروح البورصة أقضي شغل الأهل ان كان أرباح أو بيع أو شرى وغيره .. مو مندوب مندوب .. لكن أحافظ على حلال ال أهل
المهم بالبورصة تشوف أشكال وألوان الحافي المنتف والهامور العود .. يوم دشيت وخذيت رقمي عشان المقاصة قعدت صوب الكمبيوترات وصار هالموقف
رياييل قاعدين على الكمبيوتر .. عددهم ظني 5 .. ومتابعين الأسعار
مر واحد ضعيف وطويل ولابس دشداشة بدون غترة وعقال .. واللي زاد الطين بله .. أنه أصلع
ويطب على اللي قاعدين جدام الكمبيوتر .. وتدور هالمحادثة
المصري : هو سهم الصناعات بكام يا افندم
الكويتي : 520
المصري : أه .. هو حيصعد وإلا ينزل ؟
الكويتي : على حسب السوق
المصري شكراً يا سعادة البيه
امهم جيكت على الصناعات وإلا السهم صاعد عشر فلوس .. صج المصري لعبها صح
الموقف الثاني
قاعد أنا عند الممر جان اييلك واحد لابس جينز .. وكاثرين هالأيام بالبورصة .. المهم جان يتنشق ويتفل بالزبالة .. لوع جبدي الصراحة .. وأي آدمي بكويتي ما يسوي جذي .. جان أقوله لو سمحت
قالي : نعم
قلتله : أنته شلون اتفل جدام الأوادم ما يصير جذي .. تبي اتفلعندك كلينكس أو روح الحمام
المهم استحى على ويه وراح شوي ورد
وفي وحدة داشه معا خدامتها الفليبينية .. وأردني كاشخ بغترة وعقال ومسباح .. البورصة عالم
أشكال ما لها أول ولا تالي .. وبس هذا اللي صار اليوم .. وان شاء الله لي رحت مرة ثانية أقولكم شيصير
posted by Q8Log at 12:38 م
5 Comments:
hahha :p
آنا ما رحت إلا مرة وحدة
كل شغلي بالانترنت والتلفون
;)
فقارة ليش تقول عنهم هيلق
الواحد هناك عنده حلال و بيشوف رزقه مالهم شغل بالشكل يعني الجينز بغير سعر السهم ؟ لازم دشداشه و غترة و عقال ولا ما يصير
المكان مفتوح حق اللي عنده بيزات و بس
يعني باختصار كل واحد حر بحياته ليش مضايقينك
:)
Q8Leo ...
بس واحد يتفل!!!
حتى بالشارع عيب فشلون داخل
:\
ra-1
اي اذا على هذا صح
مادري من وين طالع الله يهداه .. احنا ما عندنا هالسوالف :\
عالعموم قواكم الله عالتعليق :)
إرسال تعليق
<< Home